DIS 2008 jar cha'DIch De'vam vIchoHta'.
deutsch | english | tlhIngan Hol | nederlands | pIqaD

qepHom
juH'a'Daq chegh


juH   |    nuq?    |   nuqDaq?   |   ghorgh?   |   'Iv?   |   chay'?   |   yIghel

nuq?
tlhIngan Hol qemeH 'ej jatlhmeH qep

Hoch DIS ghom tlhIngan Hol yejHaD jeSwI'pu'. qepvetlhvaD qep'a' ponglu'. qaStaHvIS vagh jaj tlhIngan Hol lujatlh 'ej luqeq jatlhwI'pu' law'qu'. Do'Ha' Hopmo' qepvetlh, 'oH SuchlaHbe' ghot law'. ngoDvammo' ghojwI' SuchnIS qep - 'ej chen qepHom.

qep mach 'oH qepHom, 'ach jeSmo' ghot law' 'oHvaD qepHom'a' ponglu' chaq net chaw'. 'e' chaw'bej HolpIn vIja'lu'pu'. qepHomDaq latlh jatlhwI'pu' net Sam. qepvam nabta' tlhIngan Hol yejHaD pabpo'. jeSlaH Hoch. chaq tlhIngan Hol DajatlhlaH, chaq DaghojtaH. qay'be'. jeSlu'meH DIlnISlu'be'. latlh DaqDaq 'ej latlh wanI'Daq jatlhwI'pu' law' DaSambe'bej. tlhIngan HolvaD nom chepbogh Hol ponglu' naDev tugh 'e' Datu'!

Hol wIqelchu'; Hol mung He je DIbuS. naDev latlh jatlhwI'pu' DaSamlaH, ghojmeH paqmey DIcha' 'ej wab qawHaqmey DIQoy. pawDI' ram tach wI'el 'ej pa' tlhutlhmeH vItlheghmey DIqeqchu'...

'ej reH Hoch Daghelbogh wIjang: tlhIngan tIgh pab mu'tay' je.

Qatlhqu' tlhIngan, qarbe''a'?
"Au contraire, mon capitain" - ngeDbej tlhIngan Hol! ghItlhvam DalaDlaHchugh vaj bIQochbe'bej. ;-)
'ach yIqawtaH: Quj 'oHbe', Holna' 'oH. Hoch Dayajbe'chugh, vaj DIvI' Hol yIlaD!)





http://www.qepHom.de/k/qephom_what.html
© 2013 qepHom.de